सामाज

‘डायना पुरस्कार’ पाउने पहिलो नेपाली बनिन् कञ्चन

कञ्चन अमात्य नेपालीहरुका लागि सुपरिचित नाम  हो । उनले कार्यकौशलताका कारण विभिन्न अवार्ड तथा सम्मान पाउँदै आएकी छिन् ।हालै बेलायतमा उनले एक प्रतिष्ठित अवार्ड हात पार्दै नेपालीको शीर उचो बनाउने काम गरेकी छिन् । कञ्चनले बेलायतको प्रसिद्ध ‘डायना मेमोरिएल पुरस्कार’ प्राप्त गरेकी हुन् ।

वेल्स की राजकुमारीको सम्झनामा स्थापित उक्त पुरस्कार यस वर्ष अमात्यालाई प्रदान गरिएको हो । साथै, डायना मेमोरिएल अवार्ड नामक प्रतिष्ठित पुरस्कार प्राप्त गर्ने कन्चन पहिलो नेपाली समेत बनेकी छिन् ।उनले सामाजिक कार्य तथा मानवीय कार्यमा पुर्‍याएको उल्लेखनीय योगदानका कारण यो पुरस्कार तथा सम्मान प्राप्त गर्न सफल भएकी हुन् ।

सन् १९९७ मा वेल्स कि राजकुमारी डायनाको मृत्यु भएपछि उनको सम्झनामा उक्त पुरस्कारको स्थापन गरिएको थियो । यो प्रतिष्ठित पुरस्कारलाई बेलायती शाही परिवार, राजकुमार विलियम तथा राजकुमार ह्यारीको समर्थन र साथ रहँदै आएको छ ।

उक्त पुरस्कार स्व राजकुमारी डायनाको ५८ औ जन्मदिनमा प्रदान गरिएको हो । ललितपुर जावलाखेल घर भएकी अमात्य हाल अमेरिकाको न्युयोर्क बस्दै आएकी छन् । उनले केही दिन अघि मात्र अमेरिकाको प्रतिष्ठित राइस अवार्ड हात पार्न सफल भएकी थिइन् ।

Comment here